12 миллион теңге пара алмақ болған бөлім басшысы ұсталды

13 декабря 2023, 09:05

1 670

Русский перевод этой статьи пока не опубликован. Ниже — оригинал на казахском языке.

Параны жетім балалар мен оқушыларға арналған лагерьді ұйымдастыру бойынша жеткізуші компанияны конкурстың жеңімпазы деп танығаны үшін алмақ болған, - деп хабарлайды "Opennews.kz" ақпарат агенттігі.

Алматы Білім басқармасының лауазымды тұлғаларына қатысты тергеп-тексеру аяқталған. Қала прокуратурасы жетім балалар мен оқушыларға арналған лагерьді ұйымдастыру бойынша жеткізуші компанияны конкурстың жеңімпазы деп танығаны үшін бөлім басшысының 12 млн теңге көлемінде пара алуға әрекеттену фактісі бойынша қылмыстық істі сотқа жіберді.

"Сондай-ақ қала прокуратурасының нұсқауы бойынша лауазымды тұлғаларды заңда белгіленген жауаптылыққа тарту үшін Алматы қаласының әкімдігіне қылмыстық құқықбұзушылық жасауға ықпал еткен заңбұзушылықтарды жою туралы ұсыныс енгізілді", - делінген ведомство жазбасында.

Айта кетейік, Конституцияның 77-бабы және Қылмыстық процестік кодекстiң 19-бабына сәйкес әрбiр адам оның қылмыстық құқықбұзушылық жасаудағы кiнәсi заңды күшiне енген сот үкiмiмен анықталғанға дейiн кiнәсiз деп есептеледi.