Қаз
Рус
Мектеп асханасындағы тамақтан құрт шықты
1 572
Русский перевод этой статьи пока не опубликован. Ниже — оригинал на казахском языке.
Павлодарда мектеп асханасында берілетін тамақтан құрт шыққан. Арыз-шағым артқан соң, асхананы жалға алатын 5 кәсіпкерге 1 млн теңге шамасында айыппұл тағылды, - деп хабарлайды "Opennews.kz" ақпарат агенттігі Алматы арнасыны сілтеме жасап.
Арна мәліметіне сүйенсек, бұл жағдай бірінші рет болып тұрған жоқ. Айыпталған азаматтар бұған дейін де бірнеше рет санитарлық талапты бұзған. Қазір өңірде ведомствоаралық сараптамалық топ жасақталып, 16 мектеп тексеріліп жатыр.
Сондай-ақ тамақты сапасыз дайындаған кәсіпкерлермен қоса, білім ошақтарының басшылары да жауапкершілік арқаламақ.
"Білім беру бөлімі мен 4 мектеп директорына тәртіптік жаза қолданылды. Негізгі мақсат – айыппұл салу емес. Түсіндірме жұмыстарын жүргізу", – деді қалалық білім беру бөлімінің басшысы Қуаныш Қыдыралин.
