100 мың теңгеге сәбиін сатқан: Елімізде жыл басынан бері үш сәби сатылған

22 мая 2024, 16:06

1 586

Русский перевод этой статьи пока не опубликован. Ниже — оригинал на казахском языке.

Ішкі істер министрінің бірінші орынбасары Марат Қожаев биыл Қазақстанда сәби сатудың 3 дерегі тіркелгенін айтты, - деп хабарлайды "Opennews.kz" ақпарат агенттігі.

Былтыр елімізде адам сатудың 19 дерегі тіркелді. Қылмыстық істердің басым бөлігі тергелді. Сәби сату дерегі бойынша 16-17 адам қылмыстық жауапкершілікке тартылды.

"Биыл Қазақстанда жаңа туған сәбиді сату бойынша 3 дерек тіркелді. Барлық қылмыс елімізде жасалған. Онда баланың құны 100 мың теңгеден 2 млн теңгеге дейін бағаланған", - деді Марат Қожаев Мәжілістің жалпы отырысынан соң.

Қылмыстық кодекстің 135-бабында кәмелетке толмағандар саудасына барғандарды қандай жаза күтіп тұрғаны жайлы жазылған. Кәмелетке толмаған адамды сатып алу-сату немесе оған қатысты өзге де мәмілелер жасасу, сол сияқты оны қанау не азғырып көндіру, тасымалдау, беру, жасыру, алу, сондай-ақ қанау мақсатында өзге де іс-әрекеттер жасау – мүлкі тәркіленіп, бес жылдан тоғыз жылға дейінгі мерзімге бас бостандығынан айыруға жазаланады.