100 мың теңгеге сәбиін сатқан: Елімізде жыл басынан бері үш сәби сатылған

Ішкі істер министрінің бірінші орынбасары Марат Қожаев биыл Қазақстанда сәби сатудың 3 дерегі тіркелгенін айтты, - деп хабарлайды "Opennews.kz" ақпарат агенттігі.

Былтыр елімізде адам сатудың 19 дерегі тіркелді. Қылмыстық істердің басым бөлігі тергелді. Сәби сату дерегі бойынша 16-17 адам қылмыстық жауапкершілікке тартылды.

Қылмыстық кодекстің 135-бабында кәмелетке толмағандар саудасына барғандарды қандай жаза күтіп тұрғаны жайлы жазылған. Кәмелетке толмаған адамды сатып алу-сату немесе оған қатысты өзге де мәмілелер жасасу, сол сияқты оны қанау не азғырып көндіру, тасымалдау, беру, жасыру, алу, сондай-ақ қанау мақсатында өзге де іс-әрекеттер жасау – мүлкі тәркіленіп, бес жылдан тоғыз жылға дейінгі мерзімге бас бостандығынан айыруға жазаланады.