Әйелін ұрып-соққан дипломатқа қатысты іс қозғалды
1 544
Әйелін ұрды деген күдікке ілінген дипломат Сәкен Мамашқа қатысты қылмыстық іс қозғалды, - деп хабарлайды "Opennews.kz" ақпарат агенттігі.
Ол Біріккен Араб Әмірліктеріндегі Қазақстан елшілігінің кеңесшісі болған.
"Бұл дерекке қатысты қылмыстық іс қозғалды. Сараптама тағайындалды. Тергеу амалдары жүргізіліп жатыр. Басқа мәлімет жария етілмейді", - деп хабарлады Астана қаласы полиция департаментінің баспасөз қызметі өкілдері.
Карина Мамаш жақында күйеуі оны 10 жыл бойы физикалық және жыныстық зорлық-зомбылыққа ұшыратқанын айтты. Әйелдің айтуынша, бірнеше күн бұрын Сәкен Мамаш оның БАӘ-ге қонаққа келген үлкен әпкесін де ұрып-соққан. Дипломаттың әйелі ауруханада, ал балалары әкесімен бірге болған.
