Көлігін бассейнге айналдырған блогерлер жазаланбақ

2 июля 2024, 12:00

1 597

Русский перевод этой статьи пока не опубликован. Ниже — оригинал на казахском языке.

Желіде NNN лақап атымен танылған блогер Нұрдәулет Бексұлтан мен Ерболат Жанабыловтың су толы көлікпен жүруі жұрттың наразылығын тудырды, - деп хабарлайды "Opennews.kz" ақпарат агенттігі.

Оқиға Астана қаласының орталық көшелерінің бірінде болған.

Желі қолданушылары түрлі пікір білдіріп, қос блогерді мақтап та, даттап та жатыр.

“Контент не істетпейді”, “Біреу тоңып секіреді, біреу тойып секіреді деген осы шығар?!”, “Тойынғаннан түсіп жүр”, “Өте керемет шыққан”, “Бөлексіңдер”, “Жетімдер мен ауруларға көмектесіңдер”, “Ақша не істетпейді”, “Мына тірлік артық болған сияқты”, – деп жазып жатыр оқырман қауым.

Аталған жайтқа қатысты елорда полиция департаменті пікір білдірді.

ПД өкілдері Tank маркалы автокөлігінің жүргізушісі мен жолаушылары әкімшілік жауапкершілікке тартылғанын айтты.