Жаттықтырушылар 40 миллион теңге қаражат жымқырған

11 июля 2024, 17:10

1 624

Русский перевод этой статьи пока не опубликован. Ниже — оригинал на казахском языке.

Астанада "Олимпиадалық емес түрлер бойынша спортты дамыту дирекциясы" КММ-да жаттықтырушылар спортшылардың жүріп-тұруы және тамақтануы туралы жалған есептер беру арқылы ақша жымқырған, - деп хабарлайды "Opennews.kz" ақпарат агенттігі.

Қаржылық мониторинг агенттігінің мәліметінше бұл мекемеде бюджет қаражатын жүйелі түрде ұрлау фактісі анықталған.

“Мәселен, 2021-2022 жылдар кезеңінде ҚММ лауазымды тұлғалары оқу-жаттығу жиындарын өткізуге бөлінген бюджеттік қаражатты жымқырған. Іс жүзінде жиындар өткізілмеді, жаттықтырушылар спортшылардың жүріп-тұруы және тамақтануы туралы жалған есептер тапсырды. Заңсыз әрекеттерден мемлекетке келтірілген залал сомасы 40 млн теңгеден асады”, – делінген хабарламада.

Қазір осы факті бойынша сотқа дейінгі тергеу жүргізіліп, күдікті соттың санкциясымен қамауға алынған.