Атырау облысында мектепке "бомба қойған" жігіт қамауға алынды

Русский перевод этой статьи пока не опубликован. Ниже — оригинал на казахском языке.

Атырау облысында мектепке "бомба қойған" жігіт қолға түсті.

Атырау облыстық полиция департаменті баспасөз қызметі ұсынған ақпаратқа сәйкес, кеше, 3 тамызда 102 операторына "Индербор кентінде орналасқан мектептердің бірінде жарылғыш зат бар" деген хабар түскен.
 
Тәртіп сақшылары жедел іздестіру іс-шарасын жүргізіп, күдіктіні анықтады. 

Ол Индер ауданының орталығы – Индербор кентіне қонаққа келіп, жалған ақпарат берген Батыс Қазақстан облысының 29 жастағы тұрғыны.

 Қазіргі уақытта жалған ақпарт берген күдіктіге қатысты Қазақстан Республикасы Қылмыстық кодексінің 273-бабымен тергеу жүргізіліп жатыр. 

Күдіктінің уақытша ұстау изоляторына қамауға алынғаны белгілі болды.