Қаз
Рус
Балабақшада азық-түлікті 30 млн теңгеге қымбатқа сатып алмақ болған
1 590
Русский перевод этой статьи пока не опубликован. Ниже — оригинал на казахском языке.
Петропавл балабақшаларында азық-түлікті 30 млн теңгеге қымбатқа сатып алмақ болған, - деп хабарлайды "Opennews.kz" ақпарат агенттігі.
Қала прокуратурасының мәліметінше, білім беру ұйымдарын тексеру нәтижесінде мемлекеттік сатып алу кезінде әлеуметтік маңызы бар азық-түлік тауарларының бағасын көтермелеу фактілері анықталған.
"Жеткізушілер мектепке дейінгі ұйымдарға қарақұмық жармасының бір келісін 700 теңгеден сатса, оның нарықтағы орташа бағасы 330 теңге болған. Сондай-ақ, басқа да азық-түлік өнімдері (картоп, сары май және күнбағыс майы, қант және тағы басқа) көтерілген бағамен сатып алынған", – делінген ведомство хабарламасында.
Прокуратура заңбұзушылықтарды жою туралы ұсыныс енгізіп, қадағалау актісімен бұрын қолданылған калькуляция қайта бекітілді. Нәтижесінде бюджет қаражатын 30 млн теңгеге артық жұмсауға жол берілмеді.
