Қаз
Рус
Есірткіге мас күйінде жүк көлігін тізгіндеген жүргізуші ұсталды
1 531
Русский перевод этой статьи пока не опубликован. Ниже — оригинал на казахском языке.
Бір тәулік ішінде Павлодар қаласында патрульдік полицейлер 244 құқық бұзушылықтың жолын кесті, оның ішінде 200-і жол қауіпсіздігін бұзғаны үшін, - деп хабарлайды "Opennews.kz" ақпарат агенттігі.
Қаланы патрульдеу кезінде мас күйінде жүргізгені үшін екі жүргізуші ұсталды.
«Академик Сәтбаев көшесінде Газель маркалы автомашина тоқтатылды. Әңгімелесу кезінде жүргізуші өзін дұрыс ұстамады, сұрақтарға нақты жауап бермеді. Полицияның күдігі медициналық куәландыру нәтижелерін растады, жүргізуші есірткіге мас болған. Сондай-ақ жүргізуші 2020 жылдың қыркүйегінде жүргізуші куәлігінен айырылғаны анықталды, бірақ бұл оған сабақ болған жоқ. Автомашина коммуналдық тұраққа қойылды, тексеру жүргізілуде», - деді Павлодар қ.ПБ патрульдік полиция батальоны командирінің міндетін атқарушы Максим Кустанов.
