Алаяқ халықты 63 млн теңгеге алдап, ақшаны құмар ойынға салған

20 сентября 2024, 11:24

1 276

Русский перевод этой статьи пока не опубликован. Ниже — оригинал на казахском языке.

Семей қаласында халықты 63 млн теңгеге алдап, ақшаны құмар ойынға салған ер адам сотталды, - деп хабарлайды "Opennews.kz" ақпарат агенттігі.

Полиция қызметкерлеріне алаяқтың құрбаны болған 32 тұрғын жүгінді. Өтірік сөзге сеніп қалған жәбірленушілер ер адамның қарызға деп сұраған ақшасын бере салған. Осылайша, алаяқ жәбірленушілерден 250 мың теңгеден 11 млн теңгеге дейін ақша алып келді. Соның салдарынан азаматтарға келтірілген жалпы шығын көлемі 63 млн теңгеден асқан.

«Семей қалалық ПБ криминалдық полиция басқармасы мен СyberPol арнайы бөлімшесінің қызметкерлері 35 жастағы күдіктіні ұстады. Жауап алу кезінде ол кінәсін мойындап, ақшаны букмекерлік кеңседе бәске тіккенін жеткізген», — деп хабарлады Абай облыстық Полиция департаментінен.

Қалалық сот алаяқтық жасаған ер адамға қатысты үкім шығарды. Сот шешімімен сотталушы 3 жыл 2 айға бас бостандығынан айырылды. Ол жазасын қылмыстық-атқару жүйесінің қауіпсіздігі орташа мекемесінде өтейді.