Қаз
Рус
Елде қант тапшылығы болғанына қарамастан, Қазақстан экспортты 400 есеге арттырды
Русский перевод этой статьи пока не опубликован. Ниже — оригинал на казахском языке.
Қазақстандық қант қызылшасын өсірушілер егін жинау науқанын аяқтауға жақы, - деп хабарлайды "Opennews.kz" ақпарат агенттігі.
Ауыл шаруашылығы министрлігінің алдын ала мәліметтері бойынша, биылғы егін көлемі өткен маусымдағыдан екі есе көп болады деген болжам бар.
Ұлттық статистика бюросының деректеріне қарасақ, биылғы қаңтар-шілде айлары аралығында елдегі зауыттарда 93,4 мың тонна қант өндірілген, бұл 2023 жылдың сол кезеңімен салыстырғанда 35,6%-ға аз.
2023 жылы өндірістің үлесі 43,2% болса, биыл бар болғаны 29%-ды құрады. Елдегі қант қажеттілігін қамтамасыз етуде импорт көш бастап тұр, оның үлесі 71%-ға жетті.
Сарапшылардың айтуынша, қазақстандықтар қанттың көп бөлігін негізінен Ресейден келетін импорт есебінен тұтынып отыр. Өйткені қант өндірісі азайғандықтан, 2024 жылдың қаңтар-шілде айларында импорт 19,9%-ға өсті.
Ел ішіндегі қант тапшылығына қарамастан, Қазақстанның қант экспорты 400 есеге өсті.
