Қаз
Рус
Ливаннан 41 қазақстандық елге жеткізілді
1 355
Русский перевод этой статьи пока не опубликован. Ниже — оригинал на казахском языке.
Таяу Шығыс өңіріндегі шиеленістің күшеуіне байланысты президент Қасым-Жомарт Тоқаевтың тапсырмасы бойынша Ливаннан Қазақстан азаматтарын және олардың отбасы мүшелерін елге эвакуациялау шаралары жүзеге асырылды, - деп хабарлайды "Opennews.kz" ақпарат агенттігі.
Сыртқы істер министрлігінің мәлімдеуінше, аталған операция Ыстамбұл және Дубай арқылы ұйымдастырылып, 17-31 қазан аралығында Бейруттан Астана мен Алматыға 41 адам аман-есен жеткізілген.
Эвакуация әскери қақтығыс аймағында қалған Қазақстан азаматтарының құқығы мен мүдделерін қорғау мақсатында жүргізілді, - деп хабарлады министрлік.
Бұған дейін Таяу Шығыстағы жағдайдың ұшығуына байланысты министрлік қазақстандықтарға аталған өңірдегі ахуал тұрақтанғанға дейін Израиль мен Ливанға барудан уақытша бас тартуға кеңес берген еді.
