Қазақтар «Челсидің» фотографына ренжіп жатыр

13 декабря 2024, 15:30

1 392

Русский перевод этой статьи пока не опубликован. Ниже — оригинал на казахском языке.

Ағылшынның «Челси» футбол клубы әлеуметтік желідегі парақшасына Алматы қаласының фотоларын жүктеді, - деп хабарлайды "Opennews.kz" ақпарат агенттігі.

Қала орталығындағы 28 гвардияшы-панфиловшылар атындағы саябақ іші, метро станциясы, шіркеу, жалаңаш ағаштар мен шыршалар, Қазақстан қонақ үйі сияқты бірнеше обьект футбол командасының парақшасында жарияланған.

Ал, команданың Қазақстандағы оқырмандары суреттердің сапасына көңілі толмай, әртүрлі пікірлер қалдырған.

«Алматының әдемі жерлерін әдейі көрсетпеген бе», «видео сұраса, жақсысын өзіміз жібере салатын едік қой», «мал базарға барасыңдар ма», «айналайын ау, көз алдыңдағы дәу тауды көрмейсің бе?», «Солтүстік Корея сияқты етіп түсіріпті», «мобилографты жұмысынан шығару керек», «мына балларды Көктөбе не Шымбұлаққа апаратындар бар ма?», деп жазған желідегілер.

УЕФА Конференция лигасы жалпы кезеңінің бесінші турында «Астана» футбол клубы Алматының Орталық стадионында лондондық «Челсиді» қабылдады. Ойын нәтижесінде қазақстандық клуб 1: 3 есебімен жеңіліп қалды.