Қаз
Рус
Қазақстанда 127 мыңнан аса адам тұмау жұқтырған
1 365
Русский перевод этой статьи пока не опубликован. Ниже — оригинал на казахском языке.
Алматы облысында 127 мыңнан аса адам тұмау жұқтырған, - деп хабарлайды "Opennews.kz" ақпарат агенттігі.
Жоғарғы тыныс алу жолдарының респираторлық вирусты инфекциясы бар науқастардың 65 пайызы - 14 жасқа дейінгі бала. Былтырғы осы кезеңмен салыстырғанда бұл сырқатқа шалдығу көрсеткішінің 23,9 пайызға төмендегені байқалады. Эпидемиологиялық қадағалау барысында респираторлық вирустың аденовирус, парагрипп түрлері анықталды.
"Зертханалық зерттеулер қорытындысына сәйкес алдағы уақытта A типті тұмау вирусы басым болуы мүмкін деген болжам бар", - дейді мамандар.
Тұмау облыс орталығы Қонаев қаласында да көбейіп тұр. Қалалық ауруханаға күніне жүзден аса адам қаралады.
"Көбінесе сол жөтелмен, тұмау және де мұрындары бітеледі, тамақтары қышиды және де құрғақ жөтелмен келеді. Алдын алу шаралары: қолды антисептикпен жуып, таза жүріп және де жылы су ішіп, адамдар көп шоғырланатын жерде жүрмеу керек. Ауырып жүрген адамдар өздері ауырып жүрсе, маска тағып жүруі керек. "Оксолин" жақпа май жағып, профилактика ретінде витаминдер ішіп жүруі керек", - деді дәрігер-инфекционист Асылбек Берікбаев.
