Қаз
Рус
БАСТЫ МАҚСАТ – ТҰРҒЫНДАРДЫ ЖҰМЫСПЕН ҚАМТУ
1 345
Русский перевод этой статьи пока не опубликован. Ниже — оригинал на казахском языке.
2024 жылы халықты жұмыспен қамту мақсатында облыс әкімімен "2024 жылға арналған өңірлік жұмыспен қамту жол картасы" бекітілді, - деп хабарлайды "Opennews.kz" ақпарат агенттігі.
Аталған жол картасы аясында 46 475 жұмыс орнын ашу жоспарланса, нәтижесінде 49 307 жұмыс орны ашылып, жоспар 106,1 пайызға орындалды. Ашылған жұмыс орындарының 64,1 пайызы жаңа жұмыс орындарының үлесін құрайды. Бұл туралы Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев айтты.
Өңірлік картаның әрбір бағыты бойынша бекітілген жоспар артығымен орындалды. Ұлттық жобалар аясында 3 458 жұмыс орны ашылып, жоспардың орындалуы 106,1 пайызды құраса, бос жұмыс орындары бағыты бойынша жоспар 116,6 пайызға жетті. Сондай-ақ, Президенттің тапсырмасына сәйкес "10 мың халыққа 100 жаңа жұмыс орнын құру" тапсырмасы шеңберінде 10 655 жұмыс орны құрылуы керек болса, 11 870 жұмыс орны құрылып, көрсеткіш 111,4 пайызға артығымен орындалды. Биыл да бұл бағыттағы жұмыстар жалғасын тауып, 44 000-нан астам жұмыс орындарын ашып, жұмыссыздық деңгейін 4,8 пайызға төмендетуді жоспарлап отырмыз. Айта кетейін, 2024 жылы аймақтағы 33 759 адамға атаулы әлеуметтік көмек төленсе, әлеуметтік қызметтер порталы арқылы 32 901 мүгедектігі бар адам оңалтудың жеке бағдарламасына сәйкес техникалық оңалту құралдарымен қамтамасыз етіліп отыр,- деді Ғабит Жұмабекұлы.
