Дәмханалардың бірінде төбелес шығарған шетелдіктер Қазақстанға 5 жыл кіре алмайды

9 января 2025, 14:16

1 382

Русский перевод этой статьи пока не опубликован. Ниже — оригинал на казахском языке.

Сенат депутаты, Ішкі істер министрінің бұрынғы бірінші орынбасары Марат Қожаев Алматыдағы дәмханалардың бірінде шетелдік студенттер арасында топтық төбелес шыққан оқиғаға қатысты пікір білдірді, - деп хабарлайды "Opennews.kz" ақпарат агенттігі.

Әлеуметтік желіде жаңа жыл түні Көктөбедегі дәмханалардың бірінде болған төбелестің видеосы тарады. Кадрлардан бірнеше жігіттің орындық, таяқ тіпті үстелдерді пайдаланып, бір-бірін ұрып-соғып жатқанын байқауға болады.

Қожаевтың айтуынша, студенттерді елден шығару туралы шешім заң талаптарына сәйкес қабылданған.

"Еліміздегі кез келген шетелдік азамат біздің заңымызды, тәртібімізді, әдет-ғұрпымызды, салт-дәстүрімізді құрметтеп, өзін қалай ұстау керегін білуі қажет. Бұл жалпы қабылданған әлемдік тәжірибе. Басқа елде жүргенде заңды сақта, оған бағынуға тырыс, – деді Қожаев.

Сондай-ақ сенатор заң бұзған шетелдіктер 5 жыл бойы Қазақстанға орала алмайтынын айтты.

"Бұл жағдайда қоғамдық орында бір-бірінің денсаулығына зиян келтіру қаупі бар заң өрескел бұзылып отыр. Сондықтан біздің заңымызда мұндай жағдайда шетелдіктер депортацияланады. Олардың мұнда заңды түрде оқуына рұқсат беретін құжаттары жойылды”, – деді ол.