Улы зат тиеген жүк көлігі аударылып қалды

Бәйтерек ауданында 21 тонна химиялық зат тасымалдап келе жатқан жүк көлігі жолдан шығып кетіп аударылып қалды, -  деп хабарлайды  "Opennews.kz" ақпарат агенттігі.

ТЖМ мәліметінше, жүк көлігінде улы тетрагидрофуран болған. Оны Беларуске тиесілі көлік алып келе жатқан. Ыдыс аударылғанымен ішіндегі сұйықтық төгілмегені мәлім болды. Радиациялық-химиялық қызмет айналаны тексеріп, улы заттың ауаға таралмағанын анықтады. 

Құтқарушылар жүк көлігінің жүргізушісіне жүкті тиеуге және жүкті одан әрі тасымалдауға көмектесті.