Қаз
Рус
Қазақстанда мемлекеттік қызметшілердің ант беру мәтіні өзгереді
1 433
Русский перевод этой статьи пока не опубликован. Ниже — оригинал на казахском языке.
Мемлекеттік қызметшілердің ант беру мәтіні өзгертіледі, - деп хабарлайды "Opennews.kz" ақпарат агенттігі.
Бұл туралы Мемлекеттік қызмет істері агенттігінде 2024 жылдың жұмыс қорытындысы бойынша өткен алқа отырысында агенттік төрағасы Дархан Жазықбай мәлімдеді.
Ол алдағы уақытта мемлекеттік қызметшілердің ант беру мәтінін жетілдіру бойынша тиісті жұмыстар атқарылатынын айтты.
"Мемлекеттік қызметшілердің антқа адал болуы негізгі құндылыққа айналуға тиіс. Әрбір мемлекеттік қызметші ант қабылдағанда адал, әділ және өз міндеттерін мінсіз орындауға уәде береді. Ант - қоғам алдындағы жеке міндеттеме мен жауапкершіліктің көрінісі. Ол қоғамға қызмет ету, ел мүдделерін қорғау және жоғары моральдық құндылыққа сәйкес әрекет ету міндетін жүктейді", - деді Агенттік төрағасы.
Алқа отырысында мемлекеттік қызмет саласын бақылау жұмысында алдын алу шараларына, азаматтар мен мемлекеттік қызметшілердің құқығын қорғауға баса назар аударылатыны айтылды.
