Қаз
Рус
Елімізде диплом және басқа да ғылыми жұмыстарды жазуды жарнамалауға тыйым салынбақ
1 399
Русский перевод этой статьи пока не опубликован. Ниже — оригинал на казахском языке.
Қазақстанда диплом және басқа да ғылыми жұмыстарды жазуды жарнамалауға тыйым салмақ, - деп хабарлайды "Opennews.kz" ақпарат агенттігі.
Білім саласына қатысты түзетулер қаралған Мәжілістің жалпы отырысында депутат Берік Бейсенғалиев елімізде мұндай қызметтердің кеңінен танылғанын айтты.
“Бұл мамандардың сапасы мен дайындығына қатты әсер етеді. Осыған байланысты заң жобасына жарнамаға және мұндай қызметтерді ұсынуға тыйым салатын түзету енгізілді", – деді Бейсенғалиев.
Заң жобасын таныстырған мәжілісмен Асхат Аймағамбетов мұндай тыйымды букмекерлік кеңселер мен вейптерді жарнамалауға тыйым салу үшін қолданылған тетіктер арқылы енгізуге болатынын жеткізді.
