Алматыда теміржол қызметкеріне оқ атып, жаралаған

Русский перевод этой статьи пока не опубликован. Ниже — оригинал на казахском языке.

Алматыда белгісіз біреу теміржол қызметкеріне оқ атты деп хабарлайды KAZ.NUR.KZ көліктегі полиция департаментінің баспасөз қызметіне сілтеме жасап.

"Алматы қаласының 34 жастағы тұрғыны теміржол кәсіпорнының қызметкерін өлтірмек болды", - деп хабарлады көліктегі полиция департаментінің бастығы Оңал Бекеев.

Бекеев аталған жайттың жай-жапсарын баяндады.

"2021 жылғы 26 шілдеде Алматы-1 станциясындағы Желілік полиция басқармасының кезекші бөліміне белгісіз адамның "Н" есімді азаматты өлтірмек болып, оқ атқаны туралы хабарлама келіп түсті.

Жедел-іздестіру шаралары барысында күдікті адам анықталып, ұсталды. Сондай-ақ, қылмыс құралы болған – "Наган" жүйесінің револьвері тәркіленіп алынды. Қазіргі уақытта аталған факті бойынша сотқа дейінгі тергеу амалдары жүргізілуде", - деді полиция генерал-майоры.