Қызылордада декреттік демалысқа шықпақ келіншектер алданып қалды

11 июня 2025, 10:30

5 262

Русский перевод этой статьи пока не опубликован. Ниже — оригинал на казахском языке.

Қызылорда облысы Шиелі ауданында жүзден астам әйел адам декреттік демалыс кезінде ірі көлемде төлем аламыз деген үмітпен алаяқтың арбауына түскен. Алаяқтың уәдесіне сенген олар 1 миллионнан 10 миллион теңгеге дейінгі қаражатты өз еріктерімен аударған, - деп хабарлайды "Opennews.kz" ақпарат агенттігі 31 арнаның Информбюро жаңалықтар қызметіне сілтеме жасап.

Босанғанына алты ай өткен жәбірленушілер қыруар қаржыны былай қойғанда, өзі салған ақшасын ала алмай отыр. Олардың бірі – Ақбаян Кенже. Ол декреттік төлемнен қомақты қаражат алу үшін жолдасы екеуі тірнектеп жинаған 13 миллион теңгені санап беріпті.

“Әне күтіңіздер, міне күтіңіздер тексеріс болып жатыр, бәрі түсіп тұр наурыздың аяғында барлығын шешіп, қолыңызға қомақты сома ұстатамын” деді. Ақша да жоқ, өзі де жоқ. Хабарлассақ алмайды. Содан бері алты ай өтті, міне”, – дейді Ақбаян Кенже.

“Бір күнде бірнеше қыз үлкен көлемде 7-8 миллиондап, 10 миллиондап салып жатты. “Міне, тәте көріп тұрсыз ба жұрттар 10 миллион салып жатыр, тым болмаса, 1 миллион салып көрсеңізші” деді. Мақұл дедім. Аудандық ішкі істер бөліміне де қыздар арыз жазып жатыр. Ол да аяқсыз қалып жатыр”, – Шиелі ауданының тұрғыны Гаухар Дүйсебаева.