Түркістанда Құран оқудан республикалық жарыс өтеді

Русский перевод этой статьи пока не опубликован. Ниже — оригинал на казахском языке.

Қазақстан мұсылмандары діни басқармасы Түркістанда Х республикалық Құран жарысын өткізеді. Сайыс ел тәуелсіздігінің 30 жылдығына орайластырылған деп хабарлайды Sputnik Қазақстан.

Байқау Түркістанда 6-7 қазанда өтеді. Сайыс Құран Кәрімнің 30 парасын, 20 парасын, 10 парасын жатқа оқу және мәнерлеп оқу номинациялары бойынша өтеді.

Қатысушыларға қойылатын талаптар:

Құранды қатесіз жатқа және тәжуидімен көркем оқуына баса мән беріледі;

үміткер өз облысындағы алдын ала іріктеу сайысында 1-орын алған жағдайда ғана жарысқа жолдама алады;

Құранды толық жатқа оқу номинациясы бойынша қатысатын үміткер республикалық, халықаралық жарыстарда жүлделі орын алмаған болуы керек.

Сондай-ақ жарысқа Қазақстан Республикасының 30 жастан аспаған азаматы қатыса алады. Үміткер жарысқа тек бір номинация бойынша ғана қатысады.