Қаз
Рус
Әскерге көшеден ұстап әкеткен азаматтың қандай құқығы бар?
1 710
Русский перевод этой статьи пока не опубликован. Ниже — оригинал на казахском языке.
Қорғаныс министрлігі әскерге шақырылған азаматты комиссариат қызметкерлері күштеп ұстап әкету оқиғасына қатысты пікір білдірді, - деп хабарлайды "Opennews.kz" ақпарат агенттігі.
Қорғаныс министрлігінің мәлімдеуінше, азамат конституциялық құқығынан айырылмайды. Яғни, адвокатқа жүгінуіне, қалаған адамына телефон соғуына құқығы бар.
Мектеп бітіріп, жоғары оқу орынға түсіп үлгерместен әскерге күштеп алып кеткен талапкердің қандай құқығы бар:
“Жиналу орнына жеткізілген кез келген Қазақстан азаматы конституциялық құқығынан айырылмайды. Атап айтқанда, адвокаттың көмегіне жүгіне алады, сондай-ақ жеке уақыты кезінде телефон пайдалана алады. Сонымен қатар, әскерге шақырудан босату немесе кейінге қалдыру туралы шешімді тиісті шақыру комиссиясы қабылдайды (Заңның 28-бабының 3-тармағы)", – деп жауап берді қорғаныс министрлігі.
Медициналық куәландыру нәтижелерi бойынша аудандық (облыстық маңызы бар қалалардың) әскерге шақыру комиссиясы әскерге шақырылушыға қатысты мынадай шешімдердің бірін қабылдайды:
- Әскери қызметке шақыруға жатады;
- Әскери қызметке шақыру кейінге қалдырылсын;
- Әскери қызметке шақырудан босатылсын;
- Әскери міндеттi атқарудан босатылсын.
