Қаз
Рус
ҰҚК Қызылорда облысында шенеунікті ұстады
Русский перевод этой статьи пока не опубликован. Ниже — оригинал на казахском языке.
ҰҚК Сыбайлас жемқорлыққа қарсы іс-қимыл қызметі қызметтік өкілетін асыра пайдаланды деген күдікпен ҚР Энергетика министрлігінің энергетикалық қадағалау және бақылау комитетінің Қызылорда облысы бойынша аумақтық департаменті республикалық мемлекеттік мекемесінің басшысын ұстады, - деп хабарлайды "Opennews.kz" ақпарат агенттігі.
"Ол жер қойнауын пайдаланушылардан жүйелі түрде материалдық пайда алуға мүмкіндік беретін сыбайлас жемқорлық схемасын ұйымдастырды деп күдікке ілінген", - делінген хабарламада.
Қазіргі уақытта осы адамға қатысты ҚР Қылмыстық кодексінің 362-бабы 4-бөлігінің 3-тармағы (Билiктi немесе лауазымдық өкiлеттiктерді асыра пайдалану) және 364-бабы 1-бөлігі (Кәсіпкерлік қызметке заңсыз қатысу) бойынша тергеу іс-шаралары жүргізіліп жатыр.
Қамауда ұстау бұлтартпау шарасы ретінде тағайындалды.
ҚР Қылмыстық-процестік кодекстің 201-бабына сәйкес сотқа дейінгі тергеп-тексерудің өзге ақпараттары жария етуге жатпайды.
