Қаз
Рус
Қызылорда облысында кенемен күреске қомақты қаржы бөлінді
Русский перевод этой статьи пока не опубликован. Ниже — оригинал на казахском языке.
Қызылорда облысында кене энцефалиті бойынша 111 қолайсыз елді мекен бар. Оларды залалсыздандыруға биыл жергілікті бюджеттен 243,6 млн теңге бөлінді, - деп хабарлайды "Opennews.kz" ақпарат агенттігі.
Облыстық жұмылдыру дайындығы басқармасының мәліметінше, бұл қаржыға 622 мыңнан астам мал, 35 мыңнан астам қора мен суат-шаңлақты көктем және күзде залалсыздандыру жоспарланған.
— Көктемгі дәрілеу жұмысы 9 сәуір мен 14 маусым аралығында жүргізілді. Ұлттық сараптама орталығының тексерісі нәтижесінде оның тиімділік көрсеткіші 98 болды. Ал күзгі залалсыздандыру жұмысы 1 тамызда басталады, — деді басқарма басшысы Марат Құрманбаев.
2025 жылдың алғашқы жартысында Конго-қырым геморрагиялық қызбасын жұқтыруы мүмкін деген белгімен 8 адам ауруханаға жатқызылған. Зертханалық сынама қорытындысында 4 науқаста диагноз расталды. Оның 1-і көз жұмды.
