Жамбыл облысындағы өрттен қаза тапқан он бесінші адамның кім екені анықталды

Русский перевод этой статьи пока не опубликован. Ниже — оригинал на казахском языке.

Жамбыл облысындағы жойқын жарылыстан қаза тапқан 15-ші адамның Төтенше жағдайлар министрлігінің қызметкері екені анықталды деп хабарлайды  Төтенше жағдайлар министрлігінің баспасөз қызметі.

"Жамбыл облысында жарылыс орнынан табылған мәйітті туыстары таныды. Ол №3 құтқару және өрт сөндіру бөлімінің қарауыл бастығы Заикин Сергей Владимирұлы болып шықты", - делінген министрліктің хабарламасында.

Осылайша Жамбыл облысындағы жарылыс кезінде қаза тапқандар саны он бес адамға жетіп отыр. Хабарсыз кеткен тағы бір адамды іздеу жұмыстары жалғасуда.

Қайғылы оқиғаға байланысты мемлекет басшысы Қасым-Жомарт Тоқаев 29 тамызды Жалпыұлттық аза тұту күні деп жариялады.