Заңсыз ақбөкен аулаған Қызылордалық тұрғынын ұсталды

Русский перевод этой статьи пока не опубликован. Ниже — оригинал на казахском языке.

Қызылордалық полицейлер заңсыз ақбөкен аулаған қала тұрғынын ұстады, - деп хабарлайды Opennews.kz тілшісі Polisia.kz сілтеме жасап.

 Қызылорда облысы Полиция департаментінің Жергілікті полиция қызмет басқармасының Табиғат қорғау полиция тобының инспекторлары мен Қызылорда облыстық орман шаруашылығы мен жануарлар дүниесі аумақтық инспекциясының  қызметкерлері 31 тамыз күні рейд жүргізу барысында Құмқөл тас жолы 13 шақырымындағы далалық жерде Nissan Patrol автокөлігін тоқтатқан. Тексеру барысында автокөліктің жүк салғышынан алты бас ақбөкен  аңына ұқсас жануардың өлі денесі анықталды.Күдікті ретінде бір ер адам ұсталды. Сонымен қатар оқиға орнынан алты бас ақбөкен аңына ұқсас жануардың өлі денелері, бір ұңғылы, 12 калибірлі, аңшы мылтығы, 93 дана атылмаған 12 калибірлі патрон және бір дана аңшы пышағы тәркіленді.