Ұмытшақ әйел қызын әуежайда қалдырып, саяхатқа жалғыз кеткен

Русский перевод этой статьи пока не опубликован. Ниже — оригинал на казахском языке.

Ирландияда әйел ұмытшақтығының салдарынан 10 жастағы қызын әуежайда қалдырып, Грекияға демалысқа жалғыз кетті. Бұл туралы The Sun жазады, - деп хабарлайды Kaz.tengritravel.kz тілшісі.

Дублиндік Саманта О'Коннор грек аралдарына билетті 3,5 мың фунт стерлингке (шамамен 2,1 миллион теңге) сатып алады. Ол саяхатқа қызымен баруды жоспарлайды. Алайда қызының төлқұжатының әрекет ету мерзімі сапардан бірнеше күн бұрын аяқталғанын ұмытып кеткен. Саманта бұл туралы әуежайға келгенде білді.

Нәтижесінде әйел қызды әкесімен қалдырды. Жоспар бойынша, олар бала жаңа құжат алған соң бір аптадан кейін саяхатын бірге жалғастыруы керек.

"Біздің сапарымыз бұзылды, мен қызымды басқа елде қалдырғанымнан қорқамын. Қатты ұялып тұрмын", - деді әйел.

Сондай-ақ, ол қонақүй ақысын төлеп қойғандықтан Дублинде қала алмайтынын айтты.

"Мен демалысты екі жыл күттім. Құжаттың кесірінен теңіздегі бес күн демалысымнан бас тарта алмадым", - деді ол.