Жасанды интеллект қазақстандықтарды жұмыссыз қалдыруы мүмкін бе?

Жасанды интеллект еңбек нарығын өзгертеді, бірақ адамды алмастырмайды, -деп хабарлайды "Opennews.kz" ақпараттық агенттігі.

Мәжіліс депутаты Екатерина Смышляеваның айтуынша, жасанды интеллект тек бірсарынды және қайталанатын жұмыстарды автоматтандырады, ал жауапкершілік пен шешім қабылдау – адамның қолында қалады. 

Ол жасанды интеллект мамандықтарды жоймай, тек трансформациялайтынын, сонымен қатар жаңа кәсіби бағыттардың пайда болуына мүмкіндік беретініне сенімді. Сондықтан кадрларды қайта даярлау жүйесін дамыту маңызды. Мысалы, заң саласында келісімшарттар әзірлеу немесе журналистикада жаңалықтар тізімін жасау – жасанды интеллекттің  қолынан келеді, бірақ шығармашылық пен маңызды шешімдер әрқашан адамға тиесілі.