Зорлық ісінде ауыр жарақат “жеңіл” деп бағаланды

Шымкентте бойжеткенге жыныстық зорлық жасалды деген күдікпен қылмыстық іс тергеліп жатыр,- деп хабарлайды Opennews.kz ақпарат агенттігі. 

Алғашқы сот-медициналық сараптама жәбірленушінің денесіндегі ауыр жарақатты “жеңіл” деп бағалаған. Заңгер Айгүл Орынбек бұл қорытындыға келіспей, комиссиялық сараптама тағайындауды сұрап отыр, бірақ тергеуші өтінішті қанағаттандырмаған.

Заңгер видеоматериалды әлеуметтік желіде жариялап, іс бойынша әділ шешім қабылдануына қоғам назарын аударғысы келетінін айтты. Полиция департаментінің мәліметінше, күдікті ұсталып, уақытша ұстау изоляторына қамалған. Сотқа дейінгі тергеу жалғасып жатыр, қосымша дәлелдер жиналуда.