Биыл 268,6 мың адамға жұмыссыздық бойынша төлем тағайындалды

2025 жылғы 1 қарашадағы жағдай бойынша Мемлекеттік әлеуметтік сақтандыру қорынан (МӘСҚ) жұмысынан айырылған 308,4 мың адам әлеуметтік төлем алды,- деп хабарлайды Opennews.kz ақпарат агенттігі. 

Сондай-ақ биыл алғаш рет 268,6 мың адамға төлем тағайындалып, жалпы сома 106,8 млрд теңгені құрады. Жұмыстан босатылған азаматтар eGov.kz немесе enbek.kz арқылы тіркеліп, «жұмыс іздеуші» мәртебесін ала алады. Егер жұмыс табылмаса, төлем автоматты түрде тағайындалады. Әлеуметтік қолдау жұмыстан шығу себебіне қарамастан беріледі және азаматтарды жұмыс іздеу кезеңінде қолдауға бағытталған.