Қаз
Рус
Анасы екі баласын екі миллион теңгеге сатпақ болды
Русский перевод этой статьи пока не опубликован. Ниже — оригинал на казахском языке.
Жетісу облысында екі баласын заңсыз түрде ақшаға берді деген күдікпен 30 жастағы әйел ұсталды,-деп хабарлайды Opennews.kz ақпарат агенттігі.
Әйел өзіне тиесілі екі кәмелетке толмаған баланы үшінші тұлғаларға шамамен екі миллион теңге көлемінде сатпақ болған. Полицияның хабарлауынша, күдіктіге қатысты ҚР Қылмыстық кодексінің 135-бабы (Кәмелетке толмағандарды саудалау) бойынша қылмыстық іс қозғалды. Тергеу аясында балалардың қазіргі жағдайы мен олардың кімге тапсырылғаны анықталып жатыр. Қауіпсіздік мақсатында балалар мемлекет қарауына алынған.
«Бұл факті бойынша барлық мән-жай тексеріліп, күдіктінің байланыстары мен ықтимал делдалдар анықталуда. Тергеу жалғасып жатыр», — деп хабарлады полиция департаменті.
Құқық қорғау органдары аталған іс бойынша өзге де адамдардың қатысы болуы мүмкін дейді. Тергеу мүддесіне қатысты қосымша мәлімет әзірге жарияланбай отыр.
