Анасы екі баласын екі миллион теңгеге сатпақ болды

Жетісу облысында екі баласын заңсыз түрде ақшаға берді деген күдікпен 30 жастағы әйел ұсталды,-деп хабарлайды Opennews.kz ақпарат агенттігі.

Әйел өзіне тиесілі екі кәмелетке толмаған баланы үшінші тұлғаларға шамамен екі миллион теңге көлемінде сатпақ болған. Полицияның хабарлауынша, күдіктіге қатысты ҚР Қылмыстық кодексінің 135-бабы (Кәмелетке толмағандарды саудалау) бойынша қылмыстық іс қозғалды. Тергеу аясында балалардың қазіргі жағдайы мен олардың кімге тапсырылғаны анықталып жатыр. Қауіпсіздік мақсатында балалар мемлекет қарауына алынған.

Құқық қорғау органдары аталған іс бойынша өзге де адамдардың қатысы болуы мүмкін дейді. Тергеу мүддесіне қатысты қосымша мәлімет әзірге жарияланбай отыр.