Мектеп оқушыларының тамағынан құрт-құмырсқа табылды

Петропавлдағы Абай атындағы қазақ мектеп-гимназиясының асханасынан оқушылардың тамағынан құрт-құмырсқа табылды,- деп хабарлайды Opennews.kz ақпарат агенттігі.

Ата-аналар асхананың санитарлық жағдайына алаңдап, балалардың мектептен тамақтануға қорқып жүргенін айтуда. Сонымен қатар, соңғы уақытта тағамның дәмі өзгеріп, кейбір тамақтың шикі болып келуі де жиілеген. 

Шағымдардан кейін Санитариялық-эпидемиологиялық қызмет тексеру жүргізіп, “ешқандай талап бұзылмаған” деген қорытынды шығарған. Бұл шешім ата-аналардың наразылығын одан сайын күшейткен. Желі қолданушылары “СЭС қалайша ештеңе таппады?” деп сынап, мекемені қайта тексеруге шақырды.