Қаз
Рус
Логопед сабақ беру үстінде оқушысын ұрды
Русский перевод этой статьи пока не опубликован. Ниже — оригинал на казахском языке.
Қарағандыда логопед сабақ беру үстінде оқушының басынан ұрып жіберді,-деп хабарлайды Opennews.kz ақпарат агенттігі.
Видеоны баланың әкесі телефон арқылы жоғары қабаттағы шағын терезеден кездейсоқ түсірген. Баланың ата-анасы логопедтің бір жыл бойы сабақ бергенін, бірақ мұндай жағдайға ешқашан күдіктенбегенін айтады.
«Бұл үлкен шок болды. Біз дереу баламызды алып кеттік, логопед ештеңе түсіндіре алмады», – дейді анасы.
Ата-аналардың айтуынша, логопед кейін хабарласып, түсініктеме бермеген, ешқандай кешірім сұрамаған. Сонымен қатар, логопедтің кабинетінде әр жарты сағат сайын балалар сабақ алатынын, күн сайын көптеген оқушылар өтетінін атап өтті. Сондықтан отбасы бұл оқиғаны желіге жариялап, басқа ата-аналарға сабақты жалғастыру немесе тоқтату жөнінде шешім қабылдауға мүмкіндік бергісі келген.
