Қаз
Рус
Аялдамада тұрған әйелді көлік қағып кеткен
Русский перевод этой статьи пока не опубликован. Ниже — оригинал на казахском языке.
Қарағандыда жеңіл көлік аялдамаға соғылып, жол-көлік оқиғасы салдарынан автобусты күтіп тұрған әйел зардап шеккен, - деп хабарлайды Оpennews.kz ақпарат агенттігі.
Жол апаты шамамен сағат 8:20-да Тәттімбет көшесінде болған. Алдын ала мәліметтер бойынша, ВАЗ-2111 автокөлігінің 42 жастағы жүргізушісі KIA автокөлігімен соқтығысудан қашып, манёвр жасау барысында Mercedes автокөлігімен соқтығысқан.
Бұл кезде KIA жүргізушісі жол-көлік оқиғасының алдын алу мақсатында аялдама павильонына соғылған. Онда әйел автобус күтіп тұрған.
"Жол-көлік оқиғасы салдарынан 52 жастағы әйел медициналық мекемеге жеткізілді. Аталған дерек тіркелді, қазіргі уақытта оқиғаның мән-жайы анықталып жатыр", - деп хабарлады Қарағанды облысы Полиция департаментінің баспасөз қызметі.
Зардап шеккен әйелдің жағдайы әзірге белгісіз.
