Қаз
Рус
Қазақстанда артық жұмыс істеуге тыйым салу ұсынылды
1 534
Русский перевод этой статьи пока не опубликован. Ниже — оригинал на казахском языке.
Конституциялық реформа жөніндегі комиссияның отырысында Әбілғазы Құсайынов артық жұмыс істеу отбасы институтына және елдегі демографиялық жағдайға теріс әсер ететінін мәлімдеген,- деп хабарлайды Оpennews.kz ақпарат агенттігі.
"Артық жұмыс істеу отбасының ең басты құндылығы – бірге өткізетін уақытынан айырып, отбасы институтын әлсіретеді. Адам кеш әрі шаршап-шалдығып үйге оралғанда, ауыспалы кестемен жұмыс істеп, нақты демалыс күнін білмеген жағдайда ортақ отбасылық дәстүрлер – бірге кешкі ас ішу, демалыс күндерін өткізу, отбасылық әңгімелер жойылады. Нәтижесінде серіктестер бір-бірінен алшақ өмір сүре бастайды. Соның салдарынан жаппай артық жұмыс істеу туу көрсеткішін тікелей төмендетіп, елдегі демографиялық ахуалға кері әсер етеді", – деді Әбілғазы Құсайынов.
Құсайынов осы жағдайда Конституцияның 24-бабының жаңа редакциясы айрықша маңызға ие екенін атап өткен. Оның айтуынша, әркімнің демалысқа құқығын бекітетін 4-тармақ, сондай-ақ жұмыс уақытының ұзақтығына, демалыс және мереке күндеріне, ақылы жыл сайынғы еңбек демалысына берілетін кепілдіктер қазіргі заман талаптарына сай келеді және оларды жүйелі түрде сақтауды талап етеді.
