Өрт сөндіру көлігі мен жеңіл автокөлік соқтығысты: бір адам қаза тапты

1 509

Русский перевод этой статьи пока не опубликован. Ниже — оригинал на казахском языке.

Фото: almaty.tvАлматыда өрт сөндіру көлігі мен Toyota Camry автокөлігі соқтығысып, жеңіл көлік жүргізушісі оқиға орнында көз жұмды. Жол-көлік оқиғасы түнде Әуезов пен Тимирязев көшелерінің қиылысында болған, - деп хабарлайды  Opennews.kz  ақпарат агенттігі.

Алдын ала мәлімет бойынша, өрт сөндіру көлігі Тимирязев көшесімен шығыс бағытта арнайы шақыртуға бара жатқан. Ал Әуезов көшесімен төмен қарай қозғалған Toyota Camry бағдаршамның жасыл түсіне өткен.

Куәгерлердің айтуынша, соқтығыс салдарынан арнайы техника жеңіл көлікті бірнеше метрге сүйреп, бағдаршамды құлатқан.

«Алдын ала мәліметтерге сәйкес, өрт сөндіру көлігі шақырту бойынша арнайы жарық және дыбыс сигналдарын қосып, оқиға орнына бара жатқан. Қиылыстан өту кезінде жеңіл автокөлікпен соқтығысқан. Жол-көлік оқиғасы салдарынан жеңіл автокөліктің жүргізушісі алған жарақаттарынан оқиға орнында көз жұмды. Оған медициналық көмек көрсетілгенімен, өмірін сақтап қалу мүмкін болмады. Ал арнайы көліктің жүргізушісі медициналық мекемеге жеткізілді», – деді Полиция департаментінің ресми өкілі Салтанат Әзірбек.

Қазір полиция жол-көлік оқиғасының мән-жайын анықтап жатыр.



OpenNews
информационное агентство
Правовая информация

При использовании материалов ссылка на публикацию обязательна.

Информационный материал +18 предназначен для лиц в возрасте от 18 лет и старше.

Контакты

Нашли ошибку в тексте?
Выделите его и нажмите Ctrl + Enter .

Социальные сети

Copyright © 2010-2026. «OpenNews» - информационное агентство.