Қаз
Рус
48 жастағы әйел 13-ші сәбиін дүниеге әкелді
1 524
Русский перевод этой статьи пока не опубликован. Ниже — оригинал на казахском языке.
Теміртау қаласының тұрғыны облыстық клиникалық ауруханадағы №1 перинаталдық орталықта 13-баласын дүниеге әкелді, деп хабарлайды Opennews.kz ақпараттық агенттігі Egemen.kz. сайтына сілтеме жасап.
Орталық клиникалық аурухананың баспасөз қызметінің хабарлауынша, көпбалалы ана 2 наурызда ұлды болған. Жаңа туған нәрестенің салмағы – 3650 грамм, бойы – 54 сантиметр. Босану табиғи жолмен және ешқандай асқынусыз өткен. Бұл сәби – 48 жастағы көпбалалы ананың тоғызыншы ұлы. Ал отбасының тұңғышы 25 жаста. Әйелдің айтуынша, өзі де көпбалалы отбасында өскендіктен, әулеттің үлкен болуы оған таңсық емес.
"Мен көпбалалы отбасында дүниеге келдім, сондықтан бұл мен үшін таңсық дүние емес. Жолдасым жалғыз бала болып өскен, алайда уақыт өте келе үлкен отбасыға үйренді. Сәбиіміздің дүниеге келгеніне ерекше қуанып отырмыз", аман-есен дүниеге келуіне көмектескен дәрігерлерге алғыс білдіремін", - деді ол.
