Қарағандыда ер адам жаңа танысқан әйелдің көлігін ұрлап кетті

Русский перевод этой статьи пока не опубликован. Ниже — оригинал на казахском языке.

Қарағандыда ер адам жаңа танысқан әйелдің көлігін ұрлап кетті, – деп хабарлайды Opennews.kz тілшісі Polisia.kz сайтына сілтеме жасап.

28 тамызда Қарағанды қаласының ПБ Жаңа-Майқұдық полиция бөліміне 29 жастағы қала тұрғыны жүгінген. Жәбірленушіге тиесілі көпқабатты үйдің ауласында тұрған көлікті ұрлап кеткені белгілі болды. Келтірілген шығын көлемі 1 миллион 300 мың теңгені құрады.

Анықталғандай, бір күн бұрын жәбірленуші әйел бір ер адаммен танысқан. Ер адам әйелдің көлігінің кілтін алып, сыртқа шығып көлікті алып кетеді. ҚР Қылмыстық кодексінің 200-бабы бойынша қылмыстық іс қозғалды.

31 тамызда криминалдық полиция қызметкерлері жедел-іздестіру шаралары барысында күдікті ер адамды ұстады. Ол кінәсін мойындап, көлік тәркіленіп, жәбірленушіге қайтарылды. Қазіргі уақытта тергеу жүріп жатыр.