Қаз
Рус
19 жастағы жігітті найзағай соғып, қаза тапты
Русский перевод этой статьи пока не опубликован. Ниже — оригинал на казахском языке.
Ақтөбе облысында 19 жастағы жігітті найзағай соғып, көз жұмды,- деп хабарлайды Opennews.kz ақпараттық агенттігі inbusiness.kz сайтына сілтеме жасап.
Полицияның хабарлауынша, 22 - ші маусым күні Мәртөк ауданындағы Ақмоласай ауылы маңындағы далада 19 жастағы жігіттің мәйіті табылған.
"19 жастағы жігіттің мәйітінің табылуына байланысты қылмыстық іс қозғалды. Алдын ала мәліметке сәйкес, оның өліміне электр тогының әсері, яғни найзағайдың түсуі себеп болған", – деп хабарлады полиция.
Төтенше жағдайлар министрлігі найзағай кезінде қауіпсіздік шараларын сақтауды еске салды. Ауа райы күрт нашарлаған жағдайда ашық жерде жүрмеу, жеке тұрған ағаштардың астына паналамау және қауіпсіз ғимараттарда болу қажеттігі айтылған.
