Қазақстандық әйел ақауы бар көлік үшін ақша өндіріп алды

Қостанай тұрғыны ескі көлік сататын компаниядан жеті миллион теңгеден астам соманы сот арқылы өндіріп алды,- деп хабарлайды Opennews.kz ақпараттық агенттігі.

Әйел автосалоннан жүрілген көлік сатып алуды ұйғарған. Алайда көп ұзамай, темір тұлпарды қабылдап алғанға дейін оның ақауларын байқаған. Кемшіліктердің нақты не екені көрсетілмеген, бірақ оларды анықтауға тәуелсіз техникалық диагностика көмектескен. Келісімшартты бұзып, ақшаны қайтару үшін сотқа жүгінуге тура келген. Бірақ сот талап арызды қанағаттандырмай, сатушының автокөлікті қабылдау туралы қарсы талабын мақұлдаған. Әйел бұл шешімге облыстық сотқа шағым түсірген.