Ленин ескерткішін үшке бөліп тастады

Қостанай облысының Құсмұрын кентінде Ленин ескерткішін бөлшектеп жатқан видео әлеуметтік желіде таралып, қызу талқыға түсті, - деп хабарлайды Opennews.kz  ақпарат агенттігі.

Ескерткішке жанашырлық танытқандар болды

Кадрларды YouTube желісінде Юрий Каталевич есімді тұрғын жариялаған. Видеодан ескерткіштің үш бөлікке бөлініп жатқанын көруге болады.

Видео авторының жазуынша, бұл көріністі көрген тұрғындардың пікірі екіге жарылған. Бірі ескерткіштің алынғанына мұңайса, енді бірі қуанышын жасырмаған.

Желі қолданушылары да түрлі пікір білдірді. Кейбірі Ленин ескерткішін бұзбай, басқа жерге көшіруді ұсынса, өзгелері оның бөлшектелуін құптаған. Тіпті ескерткішті сатып алғысы келетіндер де табылған.