Әкесі видеоойынға кедергі келтірді деп 3 айлық ұлын өлтірген
Русский перевод этой статьи пока не опубликован. Ниже — оригинал на казахском языке.
20 жастағы Гавайи тұрғыны Джошуа Калеолани Агбаяни Сото Пайва өзінің үш айлық ұлын өлтірді деп айыпталуда. Полиция деректері бойынша, қылмыстың себебі әкесіне видеоойын ойнауға кедергі келтірген нәрестенің жылауы болған, - деп Opennews.kz ақпарат агенттігі New York Post-қа сілтеме жасап хабарлайды.
Қайғылы оқиға 25 қазанда болды. Тергеу нұсқасы бойынша, Пайва онлайн-ойынға беріліп отырғанда оның ұлы Джон-Чарльз Сайки-Пайва жылай бастаған. Ер адам бесікті қатты тербете бастағанын мойындады, соның салдарынан сәбидің басы бесіктің қаңқасына соғылған. Бұл кем дегенде 15 минутқа созылған. Содан кейін ер адам баланы оң аяғынан ұстап, бүкіл салмағымен диванға басып қалған.
Нәресте жедел жәрдем бөліміне жеткізілді. Баланы аман алып қалу мүмкін болмады. Сот-медициналық сараптама баланың бас жарақатынан қайтыс болғанын көрсетті.
Ер адам жасаған ісін мойындады. Ол қамауға алынды. Сорлы әкеге абайсызда кісі өлтірді деген айып тағылды.
Қаз
Рус






