Балабақшада үш жасар баланы қараңғы дәретханаға жалғыз қамап қойған

1 500

Русский перевод этой статьи пока не опубликован. Ниже — оригинал на казахском языке.

Фото: Opennews.kz ЖИАстанада үш жасар баланың анасы ұлын балабақшада қараңғы дәретханаға жалғыз қамап қойғанын мәлімдеді, - деп хабарлайды  Opennews.kz  ақпарат агенттігі.

Әйелдің айтуынша, бала өзі болған жайт туралы айтып берген және оны дәретханада қалай жалғыз қалдырғанын көрсеткен. Анасының сөзінше, бұрын ұлы мұндай жағдайға шағымданбаған.

Әсел Ермаханова алғашында балабақша қызметкерлері одан кешірім сұрап, балаға психологиялық жарақат тиюі мүмкін екенін мойындағанын айтты. Оның айтуынша, мекеме өкілдері: 

«Бұдан бас тартпаймыз» деген.

Алайда кейін басшылық пен тәрбиешілердің қарым-қатынасы өзгерген. Әйелдің айтуынша, оған «жақсы көңіл-күймен келіңіз» деп айта бастаған, себебі тәрбиешіде стресс, ал оның баласы тым белсенді екен. Кейін басқа тәрбиеші ақшаны алып, ұлын басқа балабақшаға ауыстыруды ұсынған.

Ананың айтуынша, меңгеруші мен тәрбиеші — туған әпкелі-сіңлілі, ал мекемеде олардың басқа да туыстары жұмыс істейді. Әйел тексерудің әділдігіне күмәнданған кезде, оған: «Қайда барсаң да бар. Не істей аласың?» деп жауап берген екен.

Осыдан кейін анасы полицияға жүгінген. Оның айтуынша, қызметкерлер арызды қабылдап, талон-хабарлама берген. Алайда ресми жауапты ол әлі алған жоқ.

Әйел келген полицейлердің әрекетіне де наразылығын білдірді. Оның айтуынша, олар бірден бейнежазбалар мен басқа дәлелдерсіз жағдайды анықтау қиын болатынын аңғартқан. Ал қажетті кезеңдегі жазбаларды балабақша, ананың айтуынша, ұсынбаған.

Полиция не деп жауап берді

Полицияда бұл факті бойынша тексеру жүргізіліп, мектепке дейінгі ұйым қызметкерлерінен жауап алынғанын хабарлады.«Тексеру нәтижелері бойынша қылмыстық құқық бұзушылық құрамының белгілері анықталған жоқ», — деп хабарлады ведомство.

Жинақталған материалдар тиісті шешім қабылдау үшін Астана қаласының Білім беру саласындағы сапаны қамтамасыз ету департаментіне жолданды.

OpenNews
информационное агентство
Правовая информация

При использовании материалов ссылка на публикацию обязательна.

Информационный материал +18 предназначен для лиц в возрасте от 18 лет и старше.

Контакты

Нашли ошибку в тексте?
Выделите его и нажмите Ctrl + Enter .

Социальные сети

Copyright © 2010-2026. «OpenNews» - информационное агентство.