Рахим Ошақбаев: “Nur Otan” партиясы кінәлі

20 января 2022, 18:05

368

Русский перевод этой статьи пока не опубликован. Ниже — оригинал на казахском языке.

Экономикалық сарапшы, ҚР Президенті жанындағы ұлттық сенім кеңесінің мүшесі Рахим Ошақбаев “Қасіретті қаңтар” оқиғасынан кейін “Nur Otan” партиясының құрамынан шығып кетті,- деп хабарлайды Opennews.kz ақпарат агенттігі Экспресс К сайтына сілтеме жасап.

Енді ол ешқандай партияға мүше болғысы келмейді.

— Әлеуметтік-экономикалық және саяси салада болып жатқан оқиғаларға және бейбіт тұрғындардың өмірін қиған террорлық әрекеттерге жол берген "Nur Otan" партиясы деп есептеймін. Сол себепті партиядан шығып кеттім, — деді Экспресс К тілшісіне Рахим Ошақбаев.

— Әлеуметтік желіде сіздің 2021 жылғы жазған арызыңыз жүр. Демек сіз партиядан тек биыл ғана шықтыңыз ба?

— Иә, қате кетіп қалған ғой. 2021 жыл емес, 2022 жыл болуы керек еді.

Ошақбаев партиядан шығу туралы арызды 10 қаңтарда жазғанымен, оған әлі жауап келмеген.