Мектеп оқушыларын тасу үшін 92 млн теңге - астаналықтардың қызу талқысына айналды

24 января 2022, 09:34

407

Русский перевод этой статьи пока не опубликован. Ниже — оригинал на казахском языке.

Астаналықтар осы мәселеге байланысты әлеуметтік желіде шу көтеріп жатыр,- деп хабарлайды Opennews.kz ақпарат агенттігі Ulysmedia.kz сайтына сілтеме жасап.

Әлеуметтік желі қолданушысы мемлекеттік сатып алу сайтында осыған қатысты скриншотты жариялады.

«Бір мектептің оқушыларын тасымалдау үшін ғана біз 92 млн теңге төлейміз. Барлық мектептің оқушыларын тасымалдау үшін қанша қаражат кетеді сонда? Мұндай ақшаға жыл сайын автобус паркін жаңартуға болады. Тоқаевтың тұсында ақша жеу деген тоқтамайтын секілді», - деп жазады ер адам.

Жазбаға пікір қалдырған адамдар ой таластырып, бүкіл астананың оқушыларын тасымалдау үшін шамамен 13-14 млрд теңге жұмсалатынын болжайды. Бұл дегеніңіз – 20 млн АҚШ доллары. Пікір қалдырғандардың бірі бұл орынсыз шығын деп есептесе, екіншісі бұл шаруа субсидиялануы керек деп есептейді.