Қаз
Рус
Қызылордада полиция киімін киген қоқыс тазалаушыға айыппұл салынды
504
Русский перевод этой статьи пока не опубликован. Ниже — оригинал на казахском языке.
"Қызылорда тазалығы" ЖШС-нің жұмыскеріне 5 АЕК айыппұл салынды, оған қатысты іс сотқа жіберілді, - деп хабарлайды Opennews.kz ақпарат агенттігі Tengrinews.kz сайтына сілтеме жасап.Әлеуметтік желілерде тұрғын үй-коммуналдық шаруашылық қызметкерінің полиция қызметкерінің арнайы киімінде жұмыс істеп жатқаны туралы видео тарады. Құқық қорғау органдарының қызметкерлері бұл видеоға назар аударып, оны іздей бастады.
"Видео бойынша учаскелік полицейлер іздестіру шараларын өткізді. Нәтижесінде, Қызылорда қаласының 24 жастағы тұрғыны Полиция басқармасына жеткізілді", - делі Қызылорда қалалық Полиция басқармасының баспасөз қызметі өкілі.
Оған қатысты Қазақстан Республикасының Әкімшілік құқық бұзушылық туралы Кодексінің 675-бабы 1-тармағы ("Әскери киім, сондай-ақ, айырым белгілері және нышандары бар киімді, арнайы киім-кешекті заңсыз киіп жүру") бойынша хаттама толтырылды.
"Іс сотқа жіберіледі", - деп толықтырды полиция қызметкері.
ТКШ қызметкерінің айтуынша, арнайы киім үйінде бұрыннан болған, сөйтіп, киюге шешім қабылдаған.
"Мен полиция қызметкері емеспін, оны жұмыста киюге болмайтынын білмедім. Бұл қайталанбайды. Кешірім сұраймын", - деді ол видеода.
