Жаңаөзенде кәмелетке толмаған екі қыз жоғалып кетті

Русский перевод этой статьи пока не опубликован. Ниже — оригинал на казахском языке.

Маңғыстау облысында кәмелетке толмаған екі қыз жоғалып, бір аптадан аса уақыт бойы іздеу жұмыстары жүргізіліп жатыр, - деп хабарлайды  Opennews.kz ақпарат агенттігі  inaktau сайтына сілтеме жасап.

Полицейлер мәліметінше, Фарида Чындышова мен Тілектес Жолдас 29 наурызда Жаңаөзендегі пәтерінен шыққаннан кейін жоғалып кеткен.

Екі қыз да 16 жаста. Фарида Рахат-4 шағынауданында, Тілектес Теңге ауылында тұрады.

Жаңаөзен полиция басқармасы өкілі жедел-іздестіру жұмыстары жүргізіліп жатқанын атап өтті. Полиция қызметкерлері қыздардың орналасқан жері туралы ақпарат болса, 102 нөміріне қоңырау шалуды сұрайды.